قصة السندباد الحقيقى ((((((( حقيقة مش خيال)))))))

قصة السندباد الجديدة (((حقيقة مش خيال)))
كان السندبادمعتاد على التنقل والترحال وعتاد على الوحدة خوفا من الهجر
فى السنوات العشرة الماضية تعرض السندباد لاكثر من صدمة وكان يعيش حياة يائسة بعيدة كل البعد عن الفرح والسعادة

وعن لسان السندباد

عانيت من فراق اغلى الناس وكل الناس
فهذا صديقى وهذة حبيبتى وهؤلاء هم اصدقائى
فقد تركنى كل الناس وبقيت وحيدا
فهل تستطيع ان تعيش وحيدا
اتحداك ان تعيش يوما وحيدا
وهذة هى قصتى
عشت اكثر من 10 اعوام وحيدا لا اعرف احدا ولا احد يعرفنى
لم اكن اعرف سوى العمل
ولكنى لم اكن اعلم لماذا اعمل
لم اكن احلم باى شئ
فالخوف كان يطاردنى فى كل مكان
وفى الوقت الذى بدات احلم فية وبدات ان انسى كل الماضى فوجدت احلامى ماساة الماضى منذ سنوات
بدات ارى كل من خاننى وكل من هجرنى وكل من خدعنى
(((((((انا شاب فى سن كل الشباب)))))))
ودى كانت اول حكايتى
انا شاب من اسرة ميسرة الحال
وانا طفل كنت عايش حياة سعيدة جدا ودة لانى مكنتش فاهم اى حاجة
لكن لما كبرت وبقى عندى 11 سنة وبدات اشوف حاجات كتيرة
وانا عندى 15 سنة بدات المشاكل تحصل وحياتى تتقلب لحياة تانية خالص
فجاة لقيت كل الناس بتبعد عنى بس لية مش عارف اول حاجة حصلت اهلى بعدو عنى وبداو يعاملونى بطريقة مختلفة بطريقة ميتعاملش بيها واحد لسة عندة 15 سنة
وبعديها بسنة بدات المعاملة تختلف اكتر لدرجة انهم بداو يطردونى من البيت
ولما كانو يشوفونى كانهم شافو حاجة وحشة نرفزتهم وضايقتهم اوى
عارفين يعنى اية لما تشوف الكرة فى عيون اللى المفروض يكونو اقرب الناس ليك
تعرف اية احساس اللى بيحس بانة مظلوم ومن اقرب الناس ليك
وعشت فى الدنيا دى واللى كان مصعب عليا الحياة ان مكنش ليا اى اصحاب او اى حد قريب منى
فجاة ظهر ليا واحد اتصاحبنا على بعض اوى وكنا اقرب لبعض من الاخوات
حبيتة وشال عنى هموم كتير نسانى كل اللى فات وكل اللى عشتة من قسوة وحرمان
وفجاة راح من بين ايديا
اغلى الناس ليا واللى قدر يقرب منى وقرب ليا كان بيموت بين اديا ومقدرتش اعمل لية اى حاجة
وراح اللى قرب منى اوى ونسانى هموم الماضى
ورجعت من تانى اعيش فى نفس الحياة اللى مليانة حرمان
لكن ذادت الاحزان حزن جديد وكان اصعب من اللى فات
وبعديها باسبوع ماتت الست اللى ربتنى واللى عشت معاها اكتر من 10 سنين
مكنتش قادر اتحمل كل اللى انا اتحطيت فية
ولاخر لحظة كنت ببكى كتير واجى على نفسى مرة من جرحى ومرة من ياسى وعايز اصرخ ومنيش قادر
بدات اتنقل من بلد لبلد قابلت اللى وهمنى بحبة وحكيت لية كل اللى جوايا حكيت لية همومة واحزانى
وعدتنى انها عمرها ما هتبعد عنى رسمت نفسها ملاك قدامى لكن كانت شيطان بصورة ملاك
وبرغم كل جراحى زودت جراحى جرح تانى وعشت وحيد للمرة الالف
بقيت اخاف اقرب من الحاجة اللى بحبها علشان متبعدش عنى ولا تخونى
ومن وقتها وانا عايش وحيد ومستنى الجرح ولما ييجى بستنى الجرح اللى بعدةوهيا دى حياتى عايش من جرح لجرح
بقالى اكتر من 5 سنين مقابلتش الفرح ولا حد قدر يفرحنى

حد فيكو يقدر يفرحنى؟
وانا بشكر المنتدى ومشرفين المنتدى انهم سمحو ليا بنشر قصتى الشخصية
وياريت بجد اللى يعرف ليا حل يفرحنى يقولى علية
والله لو الاقى الفرح يتباع كنت اشتريت ولا عشت لحظة واحدة فى اللى انا فية